Kristianstads og AIK mættust í sjöttu umferð sænsku úrvalsdeildar kvenna í dag.
Sif Atladóttir var í byrjunarliði Kristandstads, Elísabet Gunnarsdóttir er þjálfari liðsins. Hallbera Guðný Gísladóttir var í byrjunarliði AIK og bar fyrirliðabandið.
Kristianstads komst yfir eftir tuttugu mínútna leik en AIK jafnaði einungis þremur mínútum síðar. Hallbera fékk að líta gula spjaldið á 71. mínútu.
Kristianstads er í þriðja sæti deildarinnar með 12 stig eftir sex leiki. AIK situr í 9.sæti með sex stig eftir sex leiki. Kristianstads heimsækir Hammarby í næstu umferð og AIK fær Rosengard í heimsókn en Glódís Viggósdóttir er leikmaður Rosengard.
Athugasemdir