Gunnar Nielsen, markvörður FH, og Kaj Leo í Bartalsstovu, kantmaður Vals, eru í 25 manna landsliðshópnum. Magnus Egilsson, bakvörður Vals, er ekki í hópnum að þessu sinni.

Gunnar er 34 ára gamall markvörður sem hefur spilað hér á Íslandi frá 2015; fyrst með Stjörnunni og svo með FH.

Kaj Leo er þrítugur kantmaður sem hefur leikið með Val frá 2019. Þar áður spilaði hann fyrir ÍBV og FH.

Færeyjar eru að fara að spila við Moldóvu, Danmörku og Ísrael í undankeppni HM.

Landsliðshópur Íslands fyrir leiki í september verður tilkynntur á miðvikudag.