Alfons Sampsted spilaði 83 mínútur fyrir Bodö/Glimt þegar liðið tapaði naumlega fyrir ítalska stórliðinu AC Milan í forkeppni Evrópudeildarinnar í kvöld
Leikurinn fór fram í Mílanó en Bodö/Glimt tók forystuna eftir 15 mínútna leik. AC Milan svaraði því strax og leiddi 2-1 í hálfleik. Leikurinn endaði með 3-2 sigri Milan. Hakan Calhanoglu var drjúgur og skoraði tvennu.
Það fóru þrjú Íslendingalið áfram í kvöld. FC Kaupmannahöfn vann 3-0 sigur á Piast Gliwice frá Póllandi og Malmö burstaði Lokomotiva Zagreb 5-0. Ragnar Sigurðsson spilaði 68 mínútur fyrir FCK en Arnór Ingvi Traustason var ónotaður varamaður hjá Malmö. Þá vann Rosenborg 1-0 sigur gegn Alanyaspor frá Tyrklandi. Hólmar Örn Eyjólfsson lék í vörn Rosenborg.
Ísak Óli Ólafsson var ónotaður varamaður hjá SönderjyskE sem tapaði 3-0 gegn Viktoria Plzen frá Tékklandi.
Erik Lamela, Son og Harry Kane skoruðu mörk Tottenham í 3-1 sigri á Skendija 79 á Norður-Makedóníu, en það voru nokkur athyglisverð úrslit í kvöld. Athyglisverðustu úrslit voru í Færeyjum þar sem KÍ Klaksvík vann 6-1 sigur á Dinamo Tibilsi frá Georgíu.
Klaksvík er núna einum leik frá því að komast áfram í Evrópudeildinni, eins og Malmö, FCK, AC Milan, Tottenham og fleiri félög.
Full Time.
— Færøsk fodbold (@FaeroskFodbold) September 24, 2020
KÍ 6-1 FC Dinamo Tbilisi
Don't know what to say. Unbelievable. History. What a performance.
Athugasemdir