Þetta verða líklega ekki gleðileg jól fyrir Þjóðverjann Thomas Tuchel því það er búið að ákveða að reka hann frá Paris Saint-Germain.
Ákvörðunin er tekin nokkrum klukkutímum eftir að PSG skoraði fjögur mörk í sigri á Strasbourg í frönsku úrvalsdeildinni. PSG er í þriðja sæti deildarinnar með 35 stig, stigi á eftir toppliði Lille.
Tuchel er 47 ára gamall og fyrrum stjóri Dortmund og Mainz. Hann tók við PSG 2018.
Hann kom franska stórliðinu í úrslitaleik Meistaradeildarinnar á síðustu leiktíð en tap var niðurstaðan gegn Bayern München í úrslitaleiknum í Portúgal.
Þessar fréttir koma mjög á óvart en samkvæmt Christian Falk, blaðamanni Bild, þá horfir Tuchel til Englands á bæði Arsenal og Manchester United.
Mauricio Pochettino, fyrrum stjóri Tottenham, þykir líklegur arftaki Tuchel.
On of the best German Coaches is free for a new challenge - and Thomas Tuchel is interested in the next step: Premier League @ManUtd @Arsenal
— Christian Falk (@cfbayern) December 24, 2020
Thomas Tuchel has been sacked by PSG board, confirmed. Game over and new manager is coming. Official announcement expected soon. 🇫🇷🔴 @cfbayern #PSG #Tuchel
— Fabrizio Romano (@FabrizioRomano) December 24, 2020
Athugasemdir