Hollenski miðjumaðurinn Georginio Wijnaldum er að ganga í raðir spænska stórliðsins Barcelona.
Wijnaldum spilaði sinn síðasta leik fyrir Liverpool síðasta sunnudag þegar Liverpool vann 2-0 sigur á Crystal Palace og tryggði sér Meistaradeildarsæti.
Wijnaldum sagði í viðtali eftir leikinn að hann hefði viljað spila í fleiri ár fyrir Liverpool en samningaviðræður gengu ekki upp. Hann varð Englandsmeistari og sigurvegari í Meistaradeildinni á þeim tíma sem hann spilaði fyrir Liverpool.
Hinn þrítugi Wijnaldum er að semja við Barcelona. Ítalski fjölmiðlamaðurinn Fabrizio Romano segir að Wijnaldum sé að skrifa undir samning til 2024.
Bayern München hafði einnig áhuga á Wijnaldum en augu hans hafa alltaf verið á Barcelona.
Gini Wijnaldum is set to join Barcelona as a free agent until June 2024 - there’s nothing agreed with FC Bayern, he wants to sign for Barça. Last details and... here we go soon! 🚨🇳🇱 #FCB @MatteMoretto
— Fabrizio Romano (@FabrizioRomano) May 25, 2021
Athugasemdir