Það eru líklega ekki margir sem hafa heyrt um IRN-BRU bikarinn en keppnin er ein af áhugaverðari bikarkeppnum í heiminum.
Keppnin verðu líklega seint þekkt fyrir fótbolta á heimsmælikvarða en það sem gerir hana svo áhugaverða er einmitt sú að neðri deildarfélög frá löndum innan Bretlandseyja sameinast í þessari bikarkeppni.
Þátttökulönd í bikarnum eru Skotland, Wales, Norður-Írland, Írland og England. Þá eru félögin sem fá þátttöku í keppninni ekki þau þekktustu en á meðal liða eru Sutton United, Queens Park og Partick Thistle.
Keppnin er í umsjá skoska knattspyrnusambandsins sem vildi hrista aðeins upp í hlutunum fyrir lið í neðri deildum landsins. Lið í neðri deildum Skotlands fá að taka þátt en auk þess eru tólf U-20 lið frá skosku úrvalsdeildinni, tvö gestalið frá úrvalsdeildinni í Norður-Írlandi, tvö frá Wales, tvö frá Vanarama deildinni á Englandi og loks tvö úr írsku úrvalsdeildinni.
Hugmyndin er hressandi og væri mögulega gaman að sjá svipaðan bikar fyrir lið á norðurlöndunum. Þessa stundina þarf þó að láta Irn-BRU bikarinn duga en hér má læra meira um þessa áhugaverðu keppni.
Athugasemdir