Conte er langt í frá sáttur við þessa stöðu og mun segja upp starfi sínu. Hann mun funda með yfirmönnum sínum og ræða uppsögn.

Conte tók við sem stjóri fyrir síðasta tímabil og í ár endaði hann níu ára sigurgöngu Juventus með því að tryggja Inter sinn fyrsta titil í áratug.

Það er La Gazzetta dello Sport sem greinir frá þessu. Conte var bálreiður þegar hann heyrði að það þyrfti að selja lykilmenn til að búa til fjármagn til að halda rekstrinum réttu megin við núllið.

Conte er sagður hafa búist við því að fá að eyða peningum í leikmenn í sumar og hafi ekki búist við því að þurfa að selja lykilmenn.

Strax hafa sprottið upp sögusagnir að Tottenham gæti horft í það að krækja í Conte ef hann er virkilega að hætta hjá Inter.