Róa þurfti Daníel niður en hann var allt annað en sáttur við að Kári Pétursson hafi rifið sig niður í þann mund sem leikurinn var flautaður af.

Kári missti boltann í sókn Stjörnunnar og fékk Daníel boltann. Daníel ætlaði að æða upp völlinn með boltann en Kári greip í öxlina á Daníel með þeim afleiðingum að Daníel féll til jarðar.

Á því augnabliki flautaði Helgi Mikael til leiksloka. Daníel átti eitthvað ósagt við Kára og þurfti Helgi að stíga á milli þeirra. Í kjölfarið komu þeir Dusan Brkovic og Bjarni Aðalsteinsson og létu Daníel vita að sigur hafði unnist.

Daníel kom inn á sem varamaður í leiknum og lagði upp sigurmarkið fyrir Elfar Árna Aðalsteinsson.

KA er með þrettán stig eftir sex umferðir.


Bjarni á leiðinni til Daníels