Áslaug Munda hefur verið frábær í fyrri hálfleiknum.
Þessa stundina er stórleikur í gangi á Hlíðarenda en þar eru Valur og Breiðablik að etja kappi í Pepsi Max deild kvenna.
Fyrir leikinn í dag sitja þessi lið í 2. og 3. sæti eftir fjóra leiki spilaða.
Nú hefur verið flautað til hálfleiks og er staðan 1-4 Breiðablik í vil eftir frábæran fyrri hálfleik. Valsstúlkur komust yfir strax á 6. mínútu þegar Sigríður Lára Garðarsdóttir stangaði inn hornspyrnu frá Dóru Maríu Lárusdóttur.
Blikastúlkur voru hins vegar ekki að svekkja sig á þessu og jöfnuðu einungis fimm mínútum síðar með keimlíku marki.
„BLIKAR JAFNA!!! Nánast bara copy paste af marki Valsara! Agla María með hornið frá vinstri, hár bolti á fjær þar sem Sandra missir af boltanum og þar lúrir Kristín Dís á fjærstönginni og skallar boltann í opið markið!! Þvílik byrjun maður lifandi!! skrifaði Arnar Laufdal Arnarson í beinni textalýsingu.
Hornspyrnumörkin voru ekki hætt. Á 15. mínútu skoraði Breiðablik aftur eftir hornspyrnu en þar var að verki Tiffany Janea McCarty. Taylor Marie Ziemer bætti þriðja markinu við á 19. mínútu. Ótrúlegur átta mínútna kafli hjá gestunum.
Fjörið í fyrri hálfleik var alls ekki búið. Mary Alice Vignola varð fyrir því óláni að gera sjálfsmark eftir frábæran undirbúning frá Áslaug Mundu Gunnlaugsdóttur.
Staðan því 1-4 fyrir Breiðablik í hálfleik!
Beina textalýsingu frá leiknum má finna hér.
Taylor Marie take a bow!!! Hvaða sleggja var þetta? 😳 sturlað mark. 4 mörk á 19 mín. Geggjuð byrjun á þessum leik. Er en að reyna átta mig a hvernig Clarissa byrjar á bekknum hjá Val. Breiðablik að byrja af krafti #fotboltinet
— Orri Rafn Sigurdarson (@OrriRafn) May 27, 2021
Hvað er að frétta með það að fá á sig mörk úr horni í þessum leik ? #fotboltinet
— dóri Sævarsson (@halldoringi) May 27, 2021
🎵 Heimavöllur Breiðabliks 🎵 og 🎵Íslandsmeistarar 🎵 syngja mínir menn í Kópacabana í stúkunni á leiðarenda
— Hilmar Jökull (@HilmarJokull) May 27, 2021
Titillinn fer ekki neitt í ár
Athugasemdir
