Luciano Spalletti þjálfari Napoli var spurður út í orðróm sem segir Cristiano Ronaldo vera í viðræðum um félagsskipti til Napoli.
Orðrómurinn hermir að Manchester United sé að reyna að skipta Ronaldo við Victor Osimhen, framherja Napoli, en Spalletti segir ekkert vera til í þessu.
„Ég væri auðvitað mjög mikið til í að vinna með Cristiano Ronaldo en það eru engar viðræður. De Laurentiis (forseti Napoli) sagði mér að hann hafi ekki heyrt neitt um þetta nema í fjölmiðlum," sagði Spalletti.
„Þetta yrði erfið leikmannaskipti en þið ættuð að spyrja Giuntoli, yfirmann fótboltamála hjá okkur, frekar."
Athugasemdir