Þjálfarar og fyrirliðar Lengjudeildarinnar spá því að Kórdrengir hafni í sjöunda sæti deildarinnar í sumar.
Hægt er að lesa umfjöllun um liðið með því að smella hérna.
Hægt er að lesa umfjöllun um liðið með því að smella hérna.
Eiður Ben Eiríksson, Rafn Markús Vilbergsson og Úlfur Blandon eru sérfræðingar Fótbolta.net fyrir Lengjudeildina í ár. Rafn Markús gaf sitt álit á liði Kórdrengja.
Hann telur að Albert Brynjar Ingason sé þeirra helsti lykilmaður.
„Albert Brynjar Ingason er gríðarlega mikilvægur fyrir lið Kórdrengja og þá sérstaklega í sóknarleik þeirra. Þrátt fyrir að vera orðinn 35 ára þá er hann í hörku standi, hleypur mikið og er mest skapandi leikmaður liðsins. Reynsla hans er mjög mikilvæg fyrir liðið, bæði á æfingum og leikjum."
„Það verður gaman að sjá samvinnu hans og Connor Simpson, breska risans, í framlínu liðsins. Það er mikilvægt fyrir Kórdrengi að Albert Brynjar sýni í sumar, enn og aftur, hvers hann er megnugur og raði inn mörkum."
Albert er mjög reynslumikill. Síðast þegar hann spilaði í næst efstu deild, með Fjölni 2019, skoraði hann níu mörk í 21 leik. Í fyrra skoraði hann 14 mörk í 20 leikjum með Kórdrengjum í 2. deild.
Athugasemdir