„Kórdrengir eru gríðarlega spenntir fyrir Morten og með komu hans eru Kórdrengir að horfa á styrkingu liðsins til framtíðar," segir í tilkynningu Kórdrengja.

Kolding IF er í þriðju efstu deild í Danmörku. Morten er fjórði leikmaðurinn sem Kórdrengir hafa fengið í sumarglugganum.

Áður hafði félagið fengið leikheimild fyrir markvörðinn Nikita Chagrov og þá komu þeir Axel Freyr Harðarson og Bjarki Björn Gunnarsson frá Víkingi. Bjarki er á láni út tímabilið en Axel var keyptur.

Kórdrengir eru í 9. sæti Lengjudeildarinnar með sautján stig eftir fjórtán umferðir. Liðið er á sínu öðru ári í deildinni og er næsti leikur liðsins gegn Fjölni eftir rúma viku.