Þessi 31 árs gamli Fílabeinsstrendingur hefur ekki komið við sögu með Wolves á þessu tímabili en hann hefur verið sterklega orðaður við Nottingham Forest síðustu daga.

Moussa Niakhate verður frá næstu mánuði og er því Forest að reyna að fá Boly til að leysa hann af hólmi.

Bruno Lage, stjóri Wolves, tilkynnti Boly á dögunum að hann yrði í hóp liðsins gegn Newcastle og átti hann að taka sér sæti á bekknum en varnarmaðurinn stóri og stæðilegi mætti ekki í leikinn.

„Willy Boly var í leikmannahópnum en mætti ekki. Ég held að hann sé að reyna að ýta einhverju í gegn, en hann þarf að sýna fagmennsku, ef ég á að vera hreinskilinn," sagði Lage eftir leikinn.