Tottenham tapaði fyrir Liverpool í gær á Anfield en Kane kom gestunum yfir eftir 45 sekúndur áður en Jordan Henderson jafnaði í byrjun síðari hálfleiks og Mohamed Salah skoraði þá úr vítaspyrnu.

Tottenham er í 11. sæti með 12 stig, sextán stigum á eftir toppliði Liverpool.

„Þú sást hvernig við byrjuðum leikinn. Við komum hingað til að pressa og spila boltanum og það hjálpaði þegar við fáum mark snemma leiks," sagði Kane.

„Við reyndum að gera allt til þess að vinna leikinn en þetta gekk ekki. Þegar maður tapar leik þá er það aldrei skref fram á við og það eru vonbrigði. Við viljum koma okkur í gang í deildinni því við höfum alls ekki verið nógu góðir," sagði hann í lokin.