James Maddison, miðjumaður Leicester, var svekktur með það að falla úr leik í enska deildabikarnum í gær.
Leicester tapaði samanlagt 3-2 fyrir Aston Villa. Seinni leikur liðanna fór fram á Villa Park í gær og skoruðu heimamenn sigurmark sitt í uppbótartímanum.
Maddison skrifar færslu á Twitter í dag þar sem hann lýsir yfir óánægju sinni með dómara leiksins í gær, Mike Dean. Maddison vildi fá vítaspyrnu í leiknum.
„Vel gert hjá Aston Villa að komast í úrslitaleikinn. Ég er ekki að reyna að búa til afsakanir, en hvernig að úrvalsdeildardómari sem horfir á þetta atvik nokkrum sinnum frá nokkrum sjónarhornum dæmir ekki vítaspyrnu, það skil ég ekki," skrifar Maddison.
Hann birtir með færslu sinni myndband af atvikinu og virðist hann hann hafa eitthvað til síns máls.
Hér að neðan má sjá færslu Maddison og myndbandið.
Fair play to Aston Villa for getting to the final and not making any excuses but how a premier league referee watching this from multiple angles several times comes to the conclusion that this isn’t a penalty baffles me. pic.twitter.com/yU7uwVuLTc
— James Maddison (@Madders10) January 29, 2020
Athugasemdir