Kai Havertz, leikmaður Chelsea, var í miklu stuði í viðtali eftir úrslitaleik Meistaradeildarinnar í kvöld.
Havertz skoraði sigurmarkið í leiknum undir lok fyrri hálfleiks.
Havertz var keyptur fyrir mikinn pening fyrir tímabilið. Tímabilið hefur ekki verið frábært hjá honum en þetta mark bætir líklega upp fyrir það hjá stuðningsmönnum Chelsea.
„Ég veit ekki hvað skal segja. Ég er búinn að bíða lengi eftir þessu. Ég vil þakka fjölskyldu minni, foreldrum mínum, ömmu minni og kærustunni. Ég er búinn að bíða í 15 ár eftir þessu," sagði Havertz.
Havertz er dýrasti leikmaður í sögu Chelsea og var hann spurður út í það. „Mér er andskotans sama um verðmiðann, við vorum að vinna Meistaradeildina."
Havertz asked about his pricetag: "I don't give a fuck, we won the Champions League."
— Nizaar Kinsella (@NizaarKinsella) May 29, 2021
Athugasemdir