Oscar er 29 ára gamall í dag og hefur verið besti maður kínversku deildarinnar síðan hann kom þangað frá Chelsea árið 2017.

Hann spilaði með Chelsea í fjögur og hálft ár og var í miklum metum hjá stuðningsmönnum félagsins en hann hefur opinberlega rætt um áhuga sinn á að snúa aftur.

Samningur hans í Kína gildir til 2024 en hann væri til í að snúa aftur til Chelsea þá.

„Ég held að ég fái tækifæri. Ég vona að ég geti haldið áfram að spila eins og ég er að spila í dag, þá koma tækifærin. Ég er í góðu sambandi við Chelsea og er mjög hrifinn af klúbbnum og stuðningsmönnunum. Þannig þegar samningur minn klárast þá mun ég klárlega íhuga það að fara þangað," sagði Oscar við Goal.com.