Það gengur erfiðlega hjá Barcelona þessa dagana en liðið situr í sjötta sæti spænsku deildarinnar og er tíu stigum á eftir toppliði Atletico Madrid.

Barcelona hefur gert tvö jafntefli í röð á heimavelli gegn fyrst Valencia og svo Eibar.

Firpo lék allan leikinn í 1-1 jafnteflinu á þriðjudag þar sem Martin Braithwaite klikkaði á vítaspyrnu snemma leiks.

„Við þurfum þúsund færi til þess að skora mark. Þeir áttu eitt færi og nýttu það," sagði Firpo við Marca.

„Svona hefur tímabilið verið. Leikirnir eru erfiðir og þetta er mikil brekka."