Síðasti leikur dagsins í A-deild Lengjubikarsins var að klárast en það var viðureign Þórs og HK en leikið var í Boganum.

Liðin munu bæði leika í Inkasso-deildinni í sumar.

Norðanmenn byrjuðu betur og skoruðu á 13. mínútu en það var Jóhann Helgi Ævarsson sem skoraði mark Þórs.

Ekki voru fleiri mörk skoruð í fyrri hálfleik en í upphafi þess seinni jafnaði Ágúst Freyr Hallsson fyrir HK.

Sigurmarkið kom á 86. mínútu en það var Ármann Pétur Ævarsson sem skoraði sigurmarkið úr vítaspyrnu og tryggði sigur Þórs.