Svakalegt mark, hans annað mark fyrir félagið. Hann skoraði sitt fyrsta mark í 2-0 sigri á Bournemouth í síðustu viku og lýsti því sem tilfinningaþrunginni stund.

„Ég reyndi bara að hitta boltann eins vel og ég gat. Hjólhestapyrna var eini möguleikinn. Ég mun horfa á þetta nokkrum sinnum."

Hann er 25 ára gamall og kom til Brighton frá AZ Alkmaar í Hollandi fyrir síðasta tímabil. Hann var keyptur fyrir það sem var þá metfé, 17 milljónir punda.

Hann skoraði ekki í 24 leikjum á síðasta tímabili, en hefur nú skorað tvö mörk á þessu tímabili.

„Þetta hefur verið mjög erfiður tími fyrir mig. Ég hef verið að æfa vel og verið að leggja mikið á mig til þess að fá tækifæri. Ég er mjög ánægður að hjálpa liðinu að fá stig. Ég hefði varla getað byrjað árið betur."

„Chelsea er frábært lið og við vissum að þetta yrði erfiður leikur. Mér fannst við stjórna fyrri hálfleiknum og vera sterkara liðið nánast allan leikinn. Við fengum tækifæri til að vinna. Þetta var frábær frammistaða," sagði Alireza.