Dagný Brynjarsdóttir og María Þórisdóttir mættust í enska boltanum í dag þegar Manchester United fékk West Ham í heimsókn.
Man Utd vann leikinn nokkuð örugglega eins og búist var við og sköpuðu gestirnir frá London ekki mikla hættu.
Sigurinn fleytir Man Utd aftur yfir nágranna sína í Man City og upp í þriðja sæti deildarinnar sem veitir þátttökurétt í undankeppni Meistaradeildarinnar. City er einu stigi á eftir og með leik til góða.
Man Utd 3 - 0 West Ham
1-0 Martha Thomas ('12)
2-0 Grace Fisk ('20, sjálfsmark)
3-0 Leah Galton ('49)
Á Ítalíu mættust Juventus og AC Milan í undanúrslitum bikarsins og úr varð hörkuviðureign. Juve hafði unnið fyrri leikinn 1-6 á útivelli en þá var Guðný Árnadóttir ónotaður varamaður hjá Milan.
Guðný spilaði allan leikinn í dag og úr varð heljarinnar veisla. Milan var komið 1-3 yfir en þá tóku heimakonur við sér og settu fjögur mörk á síðustu 25 mínútunum.
Lokatölur urðu 5-3 fyrir Juve og því 11-4 í heildina yfir tvo leiki. Markasúpa. Juve mætir Roma í úrslitaleik.
Juventus 5 - 3 Milan (11-4 samanlagt)
0-1 L. Thomas ('9)
0-2 V. Bergamaschi ('49)
1-2 A. Staskova ('51)
1-3 V. Bergamaschi ('57)
2-3 A. Staskova ('68)
3-3 B. Bonansea ('78)
4-3 A. Caruso ('81)
5-3 L. Boattin ('87)
Rautt spjald: Tucceri Cimini, Milan ('79)
Benfica vann þá stórsigur á Maritimo í Portúgal til að halda fullkomnu gengi sínu áfram. Cloé Lacasse er lykilmaður hjá Benfica sem er með fullt hús stiga eftir ellefu umferðir. Maritimo er í þriðja sæti.
Að lokum er Celtic enn að spila við Hearts í undanúrslitaleik skoska bikarsins. María Catharina Ólafsdóttir Gros er hjá Celtic.
Maritimo 1 - 6 Benfica
Hearts 0 - 0 Celtic
Framlenging í gangi
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Manchester City W | 19 | 16 | 1 | 2 | 54 | 12 | +42 | 49 |
2 | Chelsea W | 18 | 15 | 1 | 2 | 53 | 14 | +39 | 46 |
3 | Arsenal W | 19 | 14 | 1 | 4 | 45 | 18 | +27 | 43 |
4 | Manchester Utd W | 19 | 9 | 5 | 5 | 41 | 25 | +16 | 32 |
5 | Liverpool W | 19 | 9 | 5 | 5 | 27 | 25 | +2 | 32 |
6 | Tottenham W | 18 | 7 | 5 | 6 | 25 | 31 | -6 | 26 |
7 | Aston Villa W | 19 | 6 | 2 | 11 | 24 | 40 | -16 | 20 |
8 | Brighton W | 19 | 5 | 3 | 11 | 25 | 41 | -16 | 18 |
9 | Everton W | 19 | 5 | 3 | 11 | 17 | 34 | -17 | 18 |
10 | Leicester City W | 19 | 4 | 5 | 10 | 25 | 39 | -14 | 17 |
11 | West Ham W | 19 | 3 | 4 | 12 | 17 | 40 | -23 | 13 |
12 | Bristol City W | 19 | 1 | 3 | 15 | 20 | 54 | -34 | 6 |