Barcelona er besta lið heims í dag en liðið vann Meistaradeild Evrópu með því að gjörsigra Chelsea, 4-0 á dögunum.

Liðið hafði unnið alla deildarleiki sína á Spáni á þessu tímabili, það er að segja fram að leiknum í kvöld er það spilaði við Atlético Madríd.

Atlético vann þar 4-3. Deyna Castellanos skoraði sigurmarkið tíu mínútum fyrir leikslok.

Þetta var fyrsta tap Barcelona í deildinni í 758 daga en síðasta tap kom gegn Tenerife í maí árið 2019.

Barcelona er búið að vinna deildina og er þá einnig spænskur bikarmeistari en liðið hefur verið með mikla yfirburði síðasta árið og spilaði frábæran fótbolta.