ÍR leikur í 2. deild og náði í 19 stig úr 20 leikjum í sumar. Breiðhyltingar enda því þremur stigum fyrir ofan fallsæti eftir að ákveðið var að binda enda á Íslandsmótið.

Jóhannes mun áfram starfa innan raða ÍR sem yfirþjálfari yngri flokka félagsins. Þar leiðir hann uppbyggingarstarf ÍR með góðum árangri.

„Stjórn deildarinnar þakkar Jóhannesi fórnfúst starf fyrir hönd deildarinnar og hlakkar til að vinna með honum áfram að uppbyggingu knattspyrnudeildar ÍR," segir meðal annars í færslu á Facebook síðu ÍR.

„Fréttir af þjálfaramálum meistaraflokks karla verða að finna hér á þessari síðu, fyrr en síðar enda stutt í næsta undirbúningstímabil."