KA og Keflavík mætast í fyrsta leik dagsins í Bestu deildinni. Um er að ræða lokadag 3. umferðar í deildinni. Leikurinn hefst klukkan 18:00 og fer fram á Dalvíkurvelli.

Ein breyting er á liði KA sem er með fullt hús stiga fyrir leikinn. Fyrirliðinn Ásgeir Sigurgeirsson kemur inn í liðið fyrir Bjarna Aðalsteinsson.

Þrjár breytingar eru á liði Keflavíkur sem er án stiga eftir þrjá spilaða leiki. Nacho Heras, Frans Elvarsson, Adam Ægir Pálsson og Adam Árni Róbertsson koma inn í liðið hjá Keflavík fyrir þá Edon Osmani, Erni Bjarnason, Ásgeir Pál Magnússon og Kian Williams. Kian er ekki í hópnum í dag en hinir þrír eru á bekknum.

Þá vekur athygli að Sindri Kristinn er klár í slaginn en hann fór af velli eftir stundarfjórðungsleik gegn Víkingi á fimmtudag eftir að hafa fengið höfuðhögg. Frans átti að vera í byrjunarliðinu gegn Víkingi en stífnaði upp í upphitun og spilaði því ekki í leiknum.