Helgi Kolviðsson, fyrrum landsliðsmaður og síðar aðstoðarmaður Heimis Hallgrímssonar, var á dögunum ráðinn íþróttastjóri hjá Pfullendorf í Þýskalandi.
Pfullendorf er í sjöttu deild þýska fótboltans.
Pfullendorf er í sjöttu deild þýska fótboltans.
Atvinnumannaferill Helga hófst hjá Pfullendorf þegar hann gekk í raðir félagsins frá HK árið 1995. Hann var leikmaður þýska félagsins í tvö ár og gekk síðan aftur í raðir þess og spilaði með því 2004-2007.
Hann lauk leikmannaferlinum hjá Pfullendorf og varð síðan aðstoðarþjálfari og aðalþjálfari um tíma.
Helgi hefur einnig þjálfað í Austurríki og þá var hann landsliðsþjálfari Liechtenstein 2018-2020.
Athugasemdir