„Ég er mjög ánægður með spilamennskuna í liðinu mér finnst þetta vera með betri leikjum sem við höfum spilað í sumar," sagði Pétur Pétursson þjálfari Vals eftir 1-1 jafntefli við ÍBV fyrr í kvöld.
Valur er í fyrsta sæti deildarinnar með 16 stig eftir 7 leiki.
Valur er í fyrsta sæti deildarinnar með 16 stig eftir 7 leiki.
Lestu um leikinn: Valur 1 - 1 ÍBV
„Það kom mér ekki á óvart hvernig ÍBV spilaði í dag, við vissum að þær væru með skipulagt og gott lið, það er ekkert auðvelt að spila á móti þeim og við undirbjuggum okkur alveg fyrir það."
Hvernig lögðuð þið leikinn upp?
„Við ætluðum að sækja, vera skynsamar í varnarleik okkar og láta boltann ganga vel eins og við höfum verið að gera og mér fannst það ganga mjög vel."
„Ég er sáttur hvernig við spiluðum þetta var bara góður leikur hjá okkur gott að setja mark í restina og hefðum við getað klárað leikinn í síðustu sókninni þar sem við fengum dauðafæri en þar sem uppi er staðið er þetta gott stig fyrir okkur", hafði ánægður Pétur Pétursson að segja eftir leik.
Viðtalið má sjá í heild sinni hér fyrir ofan.
Athugasemdir