Jesse Lingard
Gary Neville, fyrrum leikmaður Manchester United og nú sérfræðingur á Sky Sports, er á þeirri skoðun að Jesse Lingard hefði átt að fara frá Man Utd í sumar.
Lingard skoraði níu mörk í sextán úrvalsdeildarleikjum með West Ham þegar hann var þar á láni seinni hluta síðasta tímabils.
Lingard skoraði níu mörk í sextán úrvalsdeildarleikjum með West Ham þegar hann var þar á láni seinni hluta síðasta tímabils.
West Ham vildi fá Lingard í sumar en Lingard vildi ekki fara frá Man Utd. Neville er á því að Lingard þurfi að spila reglulega í sumar ef hann vill vera í enska landsliðshópnum á HM á næsta ári.
„Ég bjóst við að fleiri leikmenn færu frá Manchester United. Ég er svekktur að Jesse Lingard fór ekki. Hann fær nokkra leiki, einhver augnablik á vellinum, mun gera góða hluti en mér fannst hann vera á góðu skriði hjá West Ham og sýndi að hann var mjög góður leikmaður."
„Að koma til baka og vera aftur bara einn í hópnum eru vonbrigði í mínum augum. Þú verður að geta flogið úr hreiðrinu og mér fannst hann hafa gert það á síðasta tímabili. Mér fannst tveir eða þrír í viðbót geta gert eins og Daniel James og farið annað til að spila meiri fótbolta," sagði Neville.
Athugasemdir
