Ísland leikur í kvöld mikilvægan leik við Rúmeníu í undankeppni HM 2022, sem fram fer í Katar.
Síðustu daga hefur verið könnun á vefsíðu Fótbolta.net þar sem lesendur eru spurðir: 'Hvernig fer Ísland - Rúmenía?'
Lesendur eru ekki mjög bjartsýnir fyrir leiknum; aðeins 29,3% spá því að Ísland vinni leikinn. Rúmlega 10% spá því að leikurinn endi í jafntefli og 60,42% spá því að Rúmenía vinni leikinn.
Það er ekki langt frá síðasta fótboltaleik þessara þjóða. Síðasti leikur var í október á síðasta ári, í umspilinu fyrir EM 2020. Þann leik vann Ísland með tveimur mörkum gegn einu; bæði mörk Íslands skoraði Gylfi Þór Sigurðsson.
Gylfi er ekki í íslenska hópnum þessa stundina þar sem mál hans er til rannsóknar hjá lögreglunni á Bretlandi. Hann er sakaður um kynferðisbrot gegn ólögráða einstaklingi á Englandi.
Hann er ekki sá eini sem spilaði síðasta leik gegn Rúmeníu fyrir tæpu ári síðan og er ekki í hópnum núna. Má þar til dæmis nefna að Aron Einar Gunnarsson, Alfreð Finnbogason og Ragnar Sigurðsson eru ekki í hópnum að þessu sinni.
Það er komin inn ný könnun á forsíðu.
Athugasemdir