Norwich City tókst að halda Max Aarons innan sinna raða í gærkvöldi þrátt fyrir áhuga frá Borussia Mönchengladbach, Southampton og Villarreal.
Aarons er hægri bakvörður sem var eftirsóttur af FC Bayern á síðustu tveimur leiktíðum en Norwich hefur alltaf tekist að halda honum.
Hann er 22 ára og hefur verið fastamaður í liði Norwich síðustu fjögur ár. Hann á 174 leiki fyrir félagið, þar af 70 í ensku úrvalsdeildinni.
Aarons er enskur og er lykilmaður í U21 landsliðinu.
Hann á tvö ár eftir af samningi sínum við Norwich og reyndu öll áhugasöm félög að fá bakvörðinn á lánssamningi.
Southampton hætti við og krækti sér frekar í Ainsley Maitland-Niles frá Arsenal.
Athugasemdir