Þróttur R. 4 - 2 Afturelding
1-0 Danielle Julia Marcano ('8 )
2-0 Freyja Karín Þorvarðardóttir ('13 )
3-0 Katla Tryggvadóttir ('23 )
4-0 Danielle Julia Marcano ('32 )
4-1 Ísafold Þórhallsdóttir ('46 )
4-2 Ísafold Þórhallsdóttir ('49 )
Lestu um leikinn
1-0 Danielle Julia Marcano ('8 )
2-0 Freyja Karín Þorvarðardóttir ('13 )
3-0 Katla Tryggvadóttir ('23 )
4-0 Danielle Julia Marcano ('32 )
4-1 Ísafold Þórhallsdóttir ('46 )
4-2 Ísafold Þórhallsdóttir ('49 )
Lestu um leikinn
Þróttur R. náði í fyrsta sigur sinn í Bestu deild kvenna í kvöld er liðið vann Aftureldingu 4-2 á Þróttarvellinum í Laugardal. Heimakonur gerðu fjögur mörk á fyrstu 32 mínútum leiksins.
Danielle Julia Marcano gerði fyrsta mark Þróttara á 8. mínútu leiksins eftir mikinn klaufagang í vörn Aftureldingar áður en Freyja Karín Þorvarðardóttir tvöfaldaði forystuna fimm mínútum síðar eftir að hún fylgdi eftir skot sem Eva Ýr Helgadóttir varði út í teig.
Katla Tryggvadóttir var á næst á blað fyrir Þrótt og stórkostlegt mark það en hún skoraði beint úr aukaspyrnu upp í fjærhornið. Rosaleg byrjun Þróttara.
Marcano gerði svo fjórða mark liðsins á 32. mínútu. Eva Ýr hafði varið skot frá Gema Ann Joyce Simon út í teiginn. Marcano var fyrst að átta sig og skoraði en það mátti setja bæði spurningamerki við Evu Ýr í markinu og varnarlínu Aftureldingar að hafa ekki fylgt á eftir.
Afturelding mætti af miklum krafti inn í síðari hálfleikinn og skoraði tvö góð mörk. Ísafold Þórhallsdóttir skoraði með þrumuskoti en stuttu áður hafði Kristín Þóra Birgisdóttir átti skalla í slá.
Ísafold bætti við öðru marki nokkrum mínútum síðar. Boltinn barst fyrir markið og var hún klár á fjær að koma boltanum í netið.
Afturelding hélt áfram að hamra járnið meðan það var heitt en náði ekki að bæta við öðru marki. Þróttur vann sig aftur inn í leikinn og skapaði sér nokkur kjörin tækifæri en fleiri urðu mörkin ekki.
Fyrsti sigur Þróttara staðreynd og liðið með þrjú stig eftir fyrstu tvo leikina en Afturelding án stiga.
Athugasemdir