Real Madrid mun kaupa franska framherjann Kylian Mbappe (22) frá Paris St-Germain. Franska félagið mun þá kaupa Cristiano Ronaldo (36) frá Juventus og argentínski sóknarmaðurinn Mauro Icardi (28) fer frá PSG til Juve. (La Gazzetta dello Sport)

Real Madrid hafði samband við Jose Mourinho í síðustu viku, áður en Carlo Ancelotti var ráðinn, þrátt fyrir að sá portúgalski hafi samþykkt í síðasta mánuði að taka við Roma. (Telegraph)

Vonir Chelsea um að fá Romelu Lukaku (28) aftur hafa orðið að nánast engu eftir að belgíski sóknarmaðurinn sagðist ekki vera á förum frá Inter. (Footvall Italia)

Barcelona er enn í viðræðum við Memphis Depay (27) um að koma á frjálsri sölu frá Lyon. Annar Hollendingur, Georginio Wijnaldum (30), kemur á frjálsri sölu frá Liverpool. (Fabrizio Romano)

Manchester City íhugar að selja portúgalska miðjumanninn Bernardo Silva (26) sem hluta af endurskipulagningu innan leikmannahópsins. (Telegraph)

Búist er við því að Mitchy Batshuayi (27) yfirgefi Chelsea alfarið í sumar. Að minnsta kosti eitt úrvalsdeildarfélag í efri helmingnum hefur áhuga á belgíska sóknarmanninum. (Football.London)

Markvörðurinn Adrian (34) er nálægt því að samþykkja nýjan eins árs samning við Liverpool. Real Betis hefur sýnt honum áhuga. (Mail)

Manchester United hefur endurnýjað áhuga á enska hægri bakverðinum Kieran Trippier (30) frá Atletico Madrid. (Manchester Evening News)

Aston Villa er eitt af þremur úrvalsdeildarliðum í topp 12 sem íhuga að gera tilboð í Chris Wood (29) sóknarmann Burnley. Það þarf að minnsta kosti 30 milljónir punda til að sannfæra Burnley um að selja. (Football Insider)

Villa vill einnig fá Emile Smith Rowe (20) frá Arsenal og Emi Buendia (24) frá Norwich. (Star)

Duncan Ferguson, aðstoðarstjóri Everton, vill koma til greina sem nýr stjóri eftir að Carlo Ancelotti fór til Real Madrid. (Mail)

West Ham og New York City hafa gert franska sóknarmanninum Olivier Giroud (34) tilboð en hann mun væntanlega yfirgefa Chelsea á frjálsri sölu. (Calciomercato)

Ancelotti segir að Gareth Bale (31) og Eden Hazard (30) gætu enn átt framtíð hjá Real Madrid. (Guardian)

Þýski miðjumaðurinn Florian Neuhaus (24) hjá Borussia Mönchengladbach segir ekki rétt að hann hafi náð samkomulagi við Bayern München. Neuhaus hefur verið orðaður við Liverpool. (Tageszeitung)

Arsenal, Manchester United og Tottenham hafa öll sýnt áhuga á tyrkneska hægri bakverðinum Zeki Celik (24) hjá Lille. (Standard)

West Ham og Southampton vilja fá Junior Firpo (24) frá Barcelona, Firpo er varnarmaður sem var í spænska U21 landsliðinu. (Sport)

West Ham er í viðræðum um kaup á tékkneska varnartengiliðnum Alex Kral (23) frá Spartak Moskvu fyrir yfir 20 milljónir punda. (Football Insider)

Sergio Aguero (33) hafnaði betra samningstilboði frá Juventus til að ganga í raðir Barcelona á frjálsri sölu frá Manchester City. (Mundo Deportivo)

Sevilla hefur áhuga á að fá Alexis Sanchez (32), fyrrum leikmann Arsenal og Manchester United, frá Inter (Sport)

Leeds United hefur áhuga á spænska vinstri bakverðinum Javi Galan (26) sem er með 3,5 milljóna punda riftunarákvæði í samningi sínum við Huesca. (Football Insider)

Viðræður West Brom við Chris Wilder hafa dregist á langinn og félagið íhugar að skoða aðra kosti. (Football Insider)