„Ég held að þetta sé leikurinn sem allir eru búnir að bíða eftir í sumar. Við erum allar tilbúnar í þennan leik, og býst ég við hörkuleik sem enginn vill missa af."

Berglind segir það ekki koma á óvart að Breiðablik og Valur hafi verið með yfirburði í deildinni í sumar.

„Nei í rauninni ekki. Það sást svolítið vel á undirbúningstímabilinu að þessi tvö lið voru að fara berjast um titilinn. Það sem kemur mér eiginlega mest á óvart er hversu langt liðin eru á eftir okkur."

Leikurinn í kvöld hefst á Origo-vellinum klukkan 19:15 og Berglind vonast eftir góðum stuðningi í stúkunni.

„Klárlega. Við höfum alltaf fengið frábæran stuðning frá okkar fólki og ég býst við því að það haldi áfram í þessum leik," sagði Berglind en hver er lykillinn að sigri í kvöld að hennar mati?

„Samheldni, vera með grunnatriðin á hreinu, fastar fyrir og njóta þess að spila."