White hefur verið stjarna mótsins hingað til en hún er með sex mörk í mótinu og er markahæst ásamt Alex Morgan. Næstar koma þær Megan Rapinoe og Sam Kerr með fimm mörk.

Hún var öflug í gær og náði að koma knettinum aftur í netið en það var dæmt af vegna rangstöðu. Hún fiskaði þá vítaspyrnu undir lokin en Steph Houghton klikkaði á punktinum.

„Ég fer bara að gráta. Ég er í rusli yfir því að komast ekki í úrslitaleikinn. Ég finn hins vegar bara fyrir stolti. Bandaríska liðið átti frábæran leik og við náðum ekki að hafa betur. Ég er stolt yfir því að vera frá Englandi og óska þeim alls hins besta í úrslitum," sagði White.

„Við gáfum allt í þetta. Við vorum slakar í fyrri hálfleik en komum okkur aftur inn í leikinn með markinu og því er þetta mjög svekkjandi. Við erum með magnaðan hóp og höfðum svo mikla trú á að komast í úrslitaleikinn en því miður tókst það ekki í dag," sagði hún í lokin.