Grindavík fékk HK í heimsókn í Lengjudeild kvenna í kvöld. Liðin eru í mikilli botnbaráttu.

Leiknum lauk með 1-1 jafntefli. Grindavík komst yfir strax á 7. mínútu en HK jafnaði metin á 34. mínútu með marki úr vítaspyrnu.

Grindavík er í 6. sæti með 17 stig en HK sæti neðar með 16 stig. Þetta var fyrsti leikurinn í næst síðustu umferðinni.

ÍA sem er í næst neðsta sæti og þremur stigum á eftir Grindavík mætir Aftureldingu á morgun en Mosfellingar eru í hörku toppbaráttu, í þriðja sæti, tveimur stigum á eftir KR og FH.