Fjölnir er Íslandsmeistari í 2. flokki karla, en strákarnir úr Grafarvogi eru svo sannarlega búnir að eiga frábært sumar.
Fjölnir vann glæsilegan 5-0 sigur gegn ÍA í kvöld og munu enda í efsta sæti þrátt fyrir að þremur leikjum sé enn ólokið.
„Frábær árangur sem félagið er stolt af. Innilega til hamingju!" segir í tilkynningu félagsins.
Árni Steinn Sigursteinsson er búinn að vera frábær í liði Fjölnis í sumar og hefur hann gert 15 mörk. Árni, sem er fæddur árið 2003, hefur í kjölfarið fengið sín fyrstu tækifæri með meistaraflokki Fjölnis í sumar en hann er búinn að gera eitt mark í sjö leikjum í Lengjudeildinni.
Athugasemdir