Alex McCarthy, markvörður Southampton, verður ekki með í kvöld en hann greindist nýverið með kórónaveiruna og er núna í einangrun. Hann gæti líka misst af næsta leik Southampton sem er bikarleikur gegn Shrewsbury Town á laugardaginn.

Varamarkvörðurinn Fraser Forster verður í markinu gegn Englandsmeisturunum í kvöld.

Ralph Hasenhuttl, knattspyrnustjóri Southampton, var ekki á hliðarlínunni í 0-0 jafntefli gegn West Ham á dögunum þar sem hann var í sóttkví. Hann mætir aftur til leiks í kvöld.

Jannik Vestergaard og Nathan Redmond eru enn á meiðslalista Southampton.

Joel Matip, varnarmaður Liverpool, verður frá í um þrjár vikur vegna nárameiðsla sem hann hlaut gegn West Brom þann 27. desember.

Thiago Alcantara er í líklegu byrjunarliði að mati Guardian en hann er kominn aftur úr meiðslum og spilaði í jafnteflinu gegn Newcastle í síðustu viku.