Mourinho og Rodgers faðmast.
Jamie Vardy er klár í að byrja.
1-1 jafntefli varð niðurstaðan í fyrri leik Leicester og Roma í undanúrslitum Sambandsdeildarinnar en seinni leikurinn verður í ítölsku höfuðborginni annað kvöld.
Brendan Rodgers, stjóri Leicester, staðfesti á fréttamannafundi í dag að sóknarmaðurinn reynslumikli Jamie Vardy væri tilbúinn að byrja í leiknum.
„Vardy er klár, James Maddison og Kiernan Dewsbury-Hall eru líka í lagi. Þeir hafa æft. Það eru allir leikfærir nema Wilf Ndidi og Ryan Bertrand," segir Rodgers.
Brendan Rodgers, stjóri Leicester, staðfesti á fréttamannafundi í dag að sóknarmaðurinn reynslumikli Jamie Vardy væri tilbúinn að byrja í leiknum.
„Vardy er klár, James Maddison og Kiernan Dewsbury-Hall eru líka í lagi. Þeir hafa æft. Það eru allir leikfærir nema Wilf Ndidi og Ryan Bertrand," segir Rodgers.
„Liðið þarf að sýna sama karakter og það gerði til að komast á þetta stig. Við vitum hvernig klára á verkefnið. Viðureignirnar gegn Rennes og PSV voru erfiðar, gegn góðum liðum. Þetta er ekki ósvipað."
„Ég tel að leikurinn á morgun verði svipaður fyrri leiknum en Roma gæti sótt meira. Helsta ógnin frá þeim kemur úr skyndisóknum og föstum leikatriðum. Þeir eru með heimavöllinn og græða á því en við kunnum að spila í svona andrúmslofti og ég hef ekki áhyggjur."
„Við ætlum okkur í úrslit. Leikmenn eiga að fara í þennan leik og njóta þess að spila hann. Við erum meðvitaðir um að við erum að fara í strembið umhverfi en þetta er annað skref fram á við í þróun og þroska liðsins."
Rodgers gaf kollega sínum Jose Mourinho vínflösku eftir fyrri leikinn í Leicester, býst hann við að fá gjöf frá Mourinho á morgun?
„Vonandi fæ ég tebolla. Ég er ekki mikill drykkjumaður en finnst fint að fá mér eitt vínglas. Hann þarf ekki að endurgreiða neitt, þetta var virðingarvottur," segir Rodgers.
Brendan Rodgers.
Athugasemdir
