Wijnaldum verður samningslaus eftir tæpan mánuð og hann mun þá yfirgefa Liverpool.

Hann hefur spilað stórt hlutverk í frábærum árangri Liverpool undanfarin ár. Hann var mikilvægur hluti af liðinu sem vann ensku úrvalsdeildina og Meistaradeildina.

Wijnaldum hefur verið sterklega orðaður við Barcelona og nánast talið bókað að hann myndi fara til spænska stórveldisins í sumar. Ítalski fjölmiðlamaðurinn Fabrizio Romano, sem er mjög áreiðanlegur, segir að PSG sé búið að bjóða Wijnaldum himinhá laun á samningi til 2024.

Það verður spennandi að sjá hvað Wijnaldum gerir en það kemur væntanlega í ljós á næstu dögum. Hann mun spila með Hollandi í sumar.