Hallgrímur Jónasson aðstoðarþjálfari KA mætti í viðtal eftir að norðanmenn jöfnuðu jafnteflamet í efstu deild. Tólfta jafntefli þeirra í sumar kom í Víkinni - lokatölur 2-2
"Því miður misstum við þennan leik niður í jafntefli. Við byrjuðum leikinn illa, Víkingar voru mun betri í fyrri hálfleik þar sem við vorum ekki nógu góðir að loka á þá og að halda boltanum þegar við unnum hann. Seinni hálfleikur var flottur þar sem við sköpuðum færi en fengum mark strax í andlitið. Niðurstaðan er jafntefli en við allavega náðum að skapa og skora."
"Því miður misstum við þennan leik niður í jafntefli. Við byrjuðum leikinn illa, Víkingar voru mun betri í fyrri hálfleik þar sem við vorum ekki nógu góðir að loka á þá og að halda boltanum þegar við unnum hann. Seinni hálfleikur var flottur þar sem við sköpuðum færi en fengum mark strax í andlitið. Niðurstaðan er jafntefli en við allavega náðum að skapa og skora."
Hallgrímur er nokkuð sáttur með sitt lið.
"Við höfum verið skipulagðir í sumar, mér finnst vera komin góð holning á liðið. Það eru allir að skila sínu og það gerir auðveldara fyrir varnarmenn og miðjumenn að gera sín hlutverk svo við höfum fengið fá mörk á okkur og höfum verið að bæta okkur sóknarlega."
KA siglir lygnan sjó, eru menn farnir að horfa á næsta tímabil svona í síðustu leikjunum, bæði innan liðs og varðandi styrkingu?
"Mér heyrist menn vera farnir að skoða framhaldið, það er töluvert búið að ræða um þjálfaramálin en vonandi getum við gefið mönnum tækifæri sem hafa minna fengið að spila í síðustu leikjunum."
Nánar er rætt við Hallgrím í viðtalinu sem fylgir.
Athugasemdir
