Alfreð Finnbogason er búinn að ná sér eftir meiðsli og hefur verið að fá meiri og meiri spiltíma af bekknum hjá Augsburg.

Í dag heimsótti liðið Wolfsburg í fyrri leik dagsins í þýsku deildinni og var staðan markalaus þegar Alfreði var skipt inn á 57. mínútu.

Heimamenn í Wolfsburg voru mun betri í leiknum og í raun óheppnir að skora ekki en Alfreð og félagar fengu lítið af marktækifærum.

Augsburg hefur farið vel af stað í ár og er liðið með sjö stig eftir þrjár umferðir, betri árangur en hjá Borussia Dortmund og FC Bayern. Þetta var aftur á móti þriðja jafntefli Wolfsburg í röð og er liðið því með þrjú stig.