Guardiola stýrði Bayern frá 2013 til 2016, en Neuer var þá markvörður liðsins og er það enn í dag.

Guardiola hugsar stundum út fyrir þægindarrammann þegar kemur að leikaðferðum og stöðum leikmanna. Hann spilaði til dæmis bakverðinum Philipp Lahm oft á miðjunni hjá Bayern. Hann hugsaði sér þá að spila með heimsklassa markvörðinn Neuer á miðju vallarins.

„Manuel fann upp þá list að vera fótboltamaður jafnt sem markvörður. Hann gjörbreytti stöðunni," sagði Rummenigge félagstímariti Bayern.

„Ég man þegar Pep Guardiola, eftir að hafa unnið þýsku úrvalsdeildina, stakk upp á þeirri hugmynd að setja hann á miðjuna í einum leik."

„Einhverjir hefðu túlkað það sem hroka, en ég er viss um að Manu hefði staðið sig vel á miðjunni," segir Rummenigge.

Guardiola er í dag stjóri Man City. Þar er talað um að leikmenn séu orðnir þreyttir á sífelldum breytingum hans.