Miðvörðurinn Hjörtur Hermannsson er ekki í landsliðshópi Íslands í yfirstandandi verkefni þar sem liðið leikur fjóra leiki; þrjá leiki í Þjóðadeildinni og einn vináttulandsleik.
Hjörtur hefði eflaust verið í hópnum ef hann væri ekki á leið í aðgerð núna eftir langt og strangt tímabil á Ítalíu.
Hjörtur hefur verið að glíma við meiðsli undir lok tímabilsins en náði samt að hjálpa sínu liði á lokasprettinum. Hann mun núna fara í aðgerð til þess að mæta heill heilsu til baka á næstu leiktíð.
Varnarmaðurinn var hársbreidd frá því að komast upp í ítölsku úrvalsdeildina á sínu fyrsta tímabili með Pisa á Ítalíu. Liðið tapaði í úrslitum umspilsins gegn Monza.
Hjörtur, sem er 27 ára, á að baki 25 A-landsleiki fyrir Ísland og hefur skorað eitt mark í þeim.
Athugasemdir