Heimild: RÚV
Sif Atladóttir er á förum frá Kristianstad, félagið greinir frá þessu á heimasíðu sinni. Það er RÚV sem vekur athygli á þessu.
Sif mun klára tímabilið með sænska félaginu en mun í kjölfarið halda annað.
Sif mun klára tímabilið með sænska félaginu en mun í kjölfarið halda annað.
Fyrr í dag var greint frá því að Björn Sigurbjörnsson, eiginmaður Sifjar, hefði verið ráðinn þjálfari kvennaliðs Selfoss.
Kristianstad segir að Sif muni því spila með öðru liði á næsta ári en það muni skýrast eftir nokkrar vikur hvaða lið það verður. Talsverðar líkur eru því á því að Sif spili með félagi á höfuðborgarsvæðinu eða þá Selfossi á næsta tímabili.
Sif gekk í raðir Kristianstad árið 2011 en þá kom hún frá þýska félaginu Saarbrücken. Elísabet Gunnarsdóttir hefur verið þjálfari sænska félagsins síðustu tólf ár og því í allan tíma Sifjar hjá félaginu.
Athugasemdir