Svíar hafa sakað Englendinga um að sýna ekki virðingu fyrir leik liðanna í 8-liða úrslitum HM á morgun.
Svíar hafa einungis fengið tvö mörk á sig á HM en þeir unnu riðilinn sinn og lögðu Sviss 1-0 í 16-liða úrslitunum.
„Ég tel að England hafi enga virðingu fyrir okkur. Ég held að fólk búist ekki við sigri okkar. Pressan er á Englandi," sagði Peter Wettergren aðstoðarþjálfari Svía.
Sebastian Larsson, miðjumaður sænska landsliðsins, tók í svipaðan streng.
„Allir í Englandi búast við að þeir fari áfram. Það yrði mikil vonbrigði fyrir þá ef þeir vinna ekki Svíþjóð," sagði Larsson.
Athugasemdir