Bjarki Steinn Bjarkason var í viðtali eftir leikinn. Hann segir að gríska liðið hafi komið þeim á óvart í upphafi leiks.

„Fínt stig á heimavelli á móti sterku liði við hefðum viljað sækja þrjú stig. Við lögðum upp með að pressa aðeins meira á þá í byrjun en þeir komu með nýtt kerfi sem við bjuggumst ekki við þannig við droppuðum svolítið niður en fínt stig."

Bjarki er bjartsýnn á að ná í þrjú stig til Grikklands.

„Þeir eru góðir í fótbolta en við höfum fulla trú á að við séum betri og þegar við förum til Grikklands þá ætlum við að taka þrjú stig."

Hann var ánægður með seinni hálfleikinn hjá liðinu.

„Mér fannst við spila vel í seinni hálfleik. Við fengum hættulegri færi og spiluðum lágpressu mjög vel, fínasta frammistaða, hefði bara viljað fá mörk í þetta."

Bjarki lék í stöðu hægri vængbakvarðar í dag, aldrei spilað hana áður en honum leið vel í henni.

„Mér leið bara vel í henni. Ég er bara með hægri vænginn sem er alveg erfitt en mér fannst það fínt."