Ísland spilar þriðja leik sinn í september á morgun er liðið fær Þýskaland í heimsókn.
Þetta verður alls ekki auðveldur leikur í verkefni sem hefur verið mjög erfitt, innan sem utan vallar.
Fótbolti.net telur mögulegt að byrjunarliðið verði svona á morgun:
Andri Lucas Guðjohnsen, 19 ára gamall sóknarmaður, átti mjög sterka innkomu gegn Norður-Makedóníu og skjótum við á að hann byrji sinn fyrsta A-landsleik á morgun.
Jóhann Berg Guðmundsson mun þá koma aftur inn í byrjunarliðið. Á miðsvæðinu - í þessu líklega byrjunarliði - eru Birkir Bjarnason og Guðlaugur Victor Pálsson með Albert Guðmundsson fyrir framan.
Það verður reynsla í bakvörðunum með aðeins minni reynslu í hjarta varnarinnar. Þá byrjar Rúnar Alex Rúnarsson í markinu áfram.
Athugasemdir