Heung-min Son fékk þungt höfuðhögg í leik Tottenham gegn Marseille í Meistaradeildinni í vikunni. Hann fór í aðgerð á auga sem gekk vel.
Hann var að þeim sökum ekki í leikmannahópi Tottenham í gær þegar liðið tapaði gegn Liverpool í ensku úrvalsdeildinni. Antonio Conte var spurður út í Son eftir leikinn.
„Ég sendi honum skilaboð eftir aðgerðina og hann var mjög svekktur yfir þessu öllu saman en ég vona að hann nái sér mjög vel og spili á HM," sagði Conte.
„Ég var einu sinni leikmaður og veit hvað það er mikilvægt að spila á HM. Ég er bjartsýnn á að hann komi fljótt til baka og muni spila á HM með Suður Kóreu."
Suður Kórea hefur leik á HM gegn Urugvæ 24. nóvember. Næsti leikur liðsins er gegn Gana 28. nóvember og liðið líkur riðlakeppninni 2. desember þegar liðið mætir Portúgal.