Í dag eru tveir leikir á dagskrá í ensku úrvalsdeildinni. Fyrri leikurinn er viðureign Chelsea og Everton.

Chelsea situr í fjórða sæti deildarinnar, sætinu sem liðin fyrir neðan vilja komist í. Everton hefur verið á ágætis skriði eftir komu Carlo Ancelotti og getur stimplað sig af alvöru inn í Evrópubaráttuna með sigri í dag.

Á Old Trafford í Manchester mætir United grönnum sínum í City. Leikurinn er fjórða viðureign liðanna á leiktíðinni. United vann fyrri leikinn í deildinni og liðin unnu sitthvorn sigurinn í undanúrslitum deildabikarsins.

Einhver spurning er með þátttöku Kevin de Bruyne hjá Manchester City og þá voru Daniel James, Harry Maguire og Aaron Wan-Bissaka tæpir fyrir leikinn í dag og óvíst með þeirra þátttöku.