Nottingham Forest var að festa kaup á sóknarmanninum Lewis Grabban. Hann kemur frá Bournemouth, liði sem spilar í ensku úrvalsdeildinni. Forest spilar í Championship-deildinni, næst efstu deildinni á Englandi.
Samningurinn gildir til fjögurra ára en kaupverðið er ekki gefið upp. Það er sagt vera 6 milljónir punda.
Hinn þrítugi Grabban var ekki inn í myndinni hjá Bournemouth og var honum því leyft að fara.
Grabban spilaði með Sunderland og Aston Villa á láni í fyrra. Hann skoraði 20 mörk í 28 byrjunarliðsleikjum í Championship-deildinni.
Hann ætti því að reynast góður liðsstyrkur fyrir Nottingham Forest sem hefur verið að styrkja sig vel í sumar og ætlar sér greinilega stóra hluti á næsta tímabili.
Athugasemdir