Hinn 18 ára gamli Ísak Bergmann Jóhannesson var að skora sitt fyrsta landsliðsmark fyrir Ísland.
Hann var að jafna metin gegn Armeníu í leik sem er á Laugardalsvelli, í undankeppni HM.
„Geggjuð skipting frá Alberti beint á Birki Má sem gerir vel að koma sér inn á teiginn. Finnur þar Ísak dauðafrían í teignum sem bregst ekki bogalistinn og setur boltann í netið af markteigslínunni," skrifaði Sverrir Örn Einarsson í beinni textalýsingu frá leiknum.
Fram kom í útsendingu RÚV að Ísak Bergmann væri yngsti markaskorari í sögu A-landsliðsins. Hann væri að bæta met föðurbróður síns, Bjarna Guðjónssonar. Það eru óstaðfestar heimildir.
Hægt er að sjá markið hér að neðan.
ÍSAK BERGMANN! skorar sitt fyrsta landsliðsmark, 18 ára gamall! Staðan er 1-1 pic.twitter.com/fPl8lV6oI0
— RÚV Íþróttir (@ruvithrottir) October 8, 2021
Athugasemdir